 Լեռնային Ղարաբաղի Հանրապետության անկախության ճանաչումը Կոսովոյից առաջ ճանապարհ կբացի ԼՂ-ի պետականության ճանաչմանը մյուս պետությունների կողմից: Այս մասին այսօր հայտարարել է ԱԺ «Ժառանգություն» խմբակցության անդամ Անահիտ Բախշյանը:
Հենց Հայաստանի կողմից ԼՂ-ի` որպես առանձին հանրապետության իրավական ճանաչումը, ըստ պատգամավորի, կլուծի բոլոր գոյություն ունեցող հարցերը. «Եթե մենք չենք ճանաչում ԼՂ հանրապետությունը, դժվար է դա պահանջել միջազգային հանրությունից: Այն պետք է ճանաչել որպես երկրորդ հայկական պետություն` բոլոր տեսակի հարաբերությունները իրավական դաշտում կառուցելու համար:
ԼՂ հանրապետության ճանաչումը, կհանգեցնի նրան, որ առանձին միջազգային կառույցները կսկսեն այլ վերաբերմունք ցուցաբերել Ղարաբաղի նկատմամբ»:
|
